Chocolate Brownie
Print Recipe
0 from 0 votes

சாக்லேட் பிரவுனி

இந்த சாக்லேட் பிரவுனிகள் வயது வித்தியாசம் பாராமல் சிறுவர்கள் முதல் பெரியவர்கள் வரை அனைவரது நாவிலும் எச்சில் ஊறிவிடும்.
Course: Dessert
Cuisine: American, Indian
Keyword: brownie, chocolate

Ingredients for சாக்லேட் பிரவுனி

  • 200 கிராம் குக்கிங் சாக்லேட்
  • 115 கிராம் பட்டர்
  • 200 கிராம் சர்க்கரை
  • 120 கிராம் மைதா
  • 3 முட்டை
  • 2 மேஜைக்கரண்டி கோக்கோ பவுடர்
  • 1 சிட்டிகை உப்பு
  • 1 மேஜைக்கரண்டி வெண்ணிலா எசன்ஸ்
  • 1/4 கப் முந்திரி & பாதாம்
  • பட்டர் பேப்பர் தேவையான அளவு

How to make சாக்லேட் பிரவுனி

  • முதலில் குக்கிங் சாக்லேட்டை டபுள் பாய்லிங் முறையில் உருக்கிக் கொள்ளவும்.
  • அடுப்பில் ஒரு பாத்திரத்தை வைத்து அதில் பாதி அளவு தண்ணீர் ஊற்றவும். தண்ணீர் நன்கு கொதித்ததும் தீயை மிதமான சூட்டிற்கு மாற்றிக் கொள்ளவும்.
  • பின்பு ஒரு சிறிய பாத்திரமோ அல்லது கிண்ணமோ எடுத்துக்கொண்டு அதில் குக்கிங் சாக்லேட்டை போட்டு கொதிக்கும் தண்ணீர் மேல் வைக்கவும். (இதுதான் டபுள் பாய்லிங் முறை).
  • இப்போது குக்கிங் சாக்லேட் உடன் வெண்ணெய் சேர்க்கவும். சாக்லேட்டும் வெண்ணெய்யும் சிறிது உருகியவுடன் இடிக்கியால் கிண்ணத்தை பிடித்துக் கொண்டு அதை ஒரு கரண்டியால் நன்கு கலக்கவும்.
  • இப்போது அந்தப் பாத்திரத்தை வெளியே எடுத்து உருகிய சாக்லேட் வெண்ணெய் கலவையை வேறு ஒரு பெரிய பாத்திரத்தில் ஊற்றிக் கொள்ளவும்.
  • பின்பு அதில் சர்க்கரையை சேர்த்து நன்கு கலக்கி அதை சிறிது நேரம் ஆறவிடவும்.
  • இந்த சாக்லேட் வெண்ணெய் கலவை ஆறுவதற்குள் ஒரு பௌலை எடுத்து அதில் 3 முட்டைகளை உடைத்து ஊற்றி நன்கு கலக்கிக் கொள்ளவும்.
  • பின்பு இந்த சாக்லேட் வெண்ணெய் கலவை நன்கு ஆறியவுடன் கலக்கி வைத்துள்ள முட்டைகளை கொஞ்சம் கொஞ்சமாக அந்த கலவையுடன் சேர்த்து நன்றாக கலக்கிக் கொள்ளவும்.
  • இப்போது இந்த கலவையுடன் கோக்கோ பவுடர் மற்றும் ஒரு மேஜைக்கரண்டி வெண்ணிலா essence சேர்த்து கலக்கிக் கொள்ளவும்.
  • அடுத்து ஒரு கப் மைதா மாவை இந்த கலவையுடன் சேர்த்து ஒரு சிட்டிகை உப்பை போட்டு கட்டி தட்டாமல் நன்கு கலக்கிக் கொள்ளவும்.
  • பின்பு கால் கப் முந்திரி மற்றும் பாதாமை சிறு துண்டுகளாக்கி இந்த கலவையுடன் சேர்க்கவும்.
  • அவனில் வைப்பதற்கு ஒரு tray வை எடுத்து அதன் ஓரங்களில் வெண்ணெய் தடவி நடுவில் பட்டர் பேப்பரை வைத்து இந்த கலவையை அதில் ஊற்றவும்.
  • அவனை 350 டிகிரி ஃபாரன்ஹீட் preheat செய்து இந்த tray வை உள்ளே வைத்து அவனை மூடவும். சரியாக இருபது நிமிடங்கள் கழித்து tray வை எடுத்தால் உங்கள் சூடான பிரவுனி ரெடி.